بيتى فووووور

السلام عليكم
ف البدايه احب اشكر شادى باشا على الركن اللى ان شاء الله هيبقى حاجة حلوة بما انه فيه ركن للحلويات ههههههههههههههههه
نبتدى انهاردا بالبيتى فور
نقووول المقاديير
1- 4 كوب دقيق
2-1 ونص كوب سمن
3-1 ونص كوب سكر ناااعم
4- 4 بيضات
5- فانيليا
6-ملعقة صغيرة بيكينج بودر

الطريقة
1-هندعك السمن كويس وبعد كدا هنضيف السكر وندعكهم كويس جدا

2-ضيف البيض والفانيلياواضرب تانى

3-هنضيف البودر للدقيق ونقلبهم قبل مانضيفهم للسمن والسكر وبعدين نضيف ونقلب ونعجن حلو

4-نشكل العجينة على حسب الرغبه

5-هناخد ربع العجين او نصه على حسب اللى تحبوه ونضيفله الكاكاو ودا للتشكيل

6-الفرن دا بقى اهم حاجة نخليه متوسط الحرارة عشان البيتى فور ما يبقاش ناشف او جامد المفروض يكون ناعم ومش نسيبه يكون لونه احمر لاء يخرج وهو لونه ابيض مصفر كدا

7-بعد ما يخرج من الفرن هنقوم بلصق البيتى فور ببعضه واحدة بيضا وواحدة كاكاو وممكن نستخدم اى مربى بنحبها او ممكن عسل نحل

8- ممكن نستخدم الشيكولاته وجوز الهند المبشور اللى هو ناعم اوى دا للتشكيل كمان


9- ودى اهم خطوة اللى يعمل بيتى فور ويطلع حلو ماينسانيش ويدوقنى طبعا


بالهنا والشفا