بعض المشاكل الزوجيه

اهم واول حاجة ممكن تسبب المشاكل الزوجية اللى اتكلمت عنها يا احمد هى الاختيار ف البداية يعنى مش اى اتنين اتجوزو بيحصل بينهم مشاكل لكن الغالبية بينهم المشاكل دى اللى سببها انهم مش فاهمين بعض من البداية
يعنى مثلا اتنين اتجوزوا عن طريق الخطبه واللى مازالت موجودة واللى اقصد بيه ان تيجى وحدة معرفة مثلا تاخد صورة من البنت بعلم اهلها وتوريها للعريس وتعجبه ويجى يتقدم وتحصل الخطوبة وطول فترة الخطوبة هى مكسوفة وهو قاعد ساكت يتكلمو بعد الجواز ان شاء الله وابقى قابلنى لو حد اتجوز بعد كداهههههههههههههههههه
هكمل باقى الرد وقت تانى ان شاء الله
بس يارب الرد يعجب الناس

شكرا يا عم احمد على الموضوع
بس انا بختلف معاك في نقطة تسير البيت أو تصرف على قد الدخل معنى كده لو الزوج دخله كبير بردو تصرفه
المفروض الصرف على مقدار الحاجة مش لازم البخل ومش لازم التبذير كل بيت ليه احتياجات اذا كان فيه مقدرة على الاحتياجات دي كويس ولو مفيش يبقى لا يكلف الله نفسا الا وسعها بس بردو مش هو ده السبب الرئيسي يمكن بردو من ضمن الاسباب ان مفيش تفاهم بين الزوجين الزوج فاهم ان هو الحاكم بأمره لازم يؤمر ومراته تنفذ وإلا العصا لمن عصا وفاهم ان من حقه يعمل اللي هو عايزه يسهر ويغلط هو راجل ومن الناحية التانية الست فاهمة ان الزوج لازم ينفذ طلباتها مهما كان ولازم يعمل اللي هي عايزاه ميكلمش ستات ميسهرش يساعدها في البيت لازم تجبيله عيال عشان تربطه ده بالاضافة الى الاهمال
المفروض الجواز ده شركة بين اتنين مفيش فرق بينهم والاتنين مكملين لبعض الراجل ميقدرش يستغنى عن الست والست متقدرش تستغنى عن الراجل مش خناقة بين اتنين وشوف بقى مين اللي ها يكسب
قال تعالى (( ومن ءاياته أن خلق لكم من انفسكم أزواجاً لتسكنوا إليها وجعل بينكم مودة ورحمة )) صدق الله العظيم