ليس الذكر كألانثى

في المجتمع بتاعنا في مصر وفي المجتمعات العربية كل شوية يطلعوا يتكملوا ان مفيش مساواة بين الراجل والست ولازم الست تاخد حقوقها واتعملت جمعيات للستات والمطالبة بحقوق المرأة وناس كتير بتمشى ورا الموضوع ده من غير تفكير
اصلا الست مش زي الراجل وده مش كلامي انا ده موجود في القرأن
قال الله تعالى ( ليس الذكر كألانثى ) وقال تعالى ( الرجال قوامون على النساء بما فضل الله بعضهم على بعض ) يعني الراجل مش زي الست ومختلفين بس مش معنى الاختلاف التفضيل وان الراجل احسن من الست ده اختلاف في التكليف وفي الطبيعة التكوينية والجسمانية
يعني ساعات في الغرب والناس اللي بيتكلموا على حقوق المرأة بيتكلموا على موضوع الميراث لكن محدش نفسه سأل ليه ربنا خلى ميراث الست كده ( للذكر مثل حظ الانثيين ) مش تقليل من قيمة المرأة لكن للعدل في التوزيع الرجل بيكون مسئول عن بيت وأولاد وزوجة ومكلف شرعاً وقانوناً بالصرف عليهم سوء رضي ولا لاء أما الست فهي اصلا مسئولة من زوجة مكلف برعايتها وشرعا وقانونا لا يحق له أن يأخذ من مالها إلا بموافقتها بل انها لو بتشتغل مش من حقه ياخد منها أي فلوس هو مكلف بكل مصاريفها ومصاريف أولادها يعني الست ميراثها ليها لوحدها أما الراجل فمسئول عن بيت وزوجة وأولاد وكمان الست المفروض ان زوجها اذا كان ليه ميراث هياخد ضعف نصيب اخوته البنات
وبردو بيتكلموا على الشهادة في القرأن شهادة الرجل تعدل شهادة امرأتان ودي ربنا قالها وقال السبب ( أ، تضل إحداهما فتذكر إحداهما الاخرى ) والمقصود بأن تضل أن تنسى
والمرأة في الاسلام مش مكلفة زي الرجل الرسول صلى الله عليه وسلم قال في حديث فيما معناه عن المرأة
( المرأة إذا صلت خمسها وصانت فرجها وصامت شهرها وأطاعت زوجها قيل لها إدخلي من أي أبواب الجنة شئتي )
وأعتقد ان المرأة عندنا مكرمة ومحفوظة أكتر من الغرب في الغرب المرأة عندنا بضاعة تباع وتشترى وبيتحدد سعرها على اساس شكلها وعمرها لكن عندنا لاء وعندنا المرأة ملزمة من زوجها لكن في الغرب المرأة ملزمة من نفسها
بس عندنا فيه بعض الجهل في المجتمع وموضوع العادات والتقاليد الخاطئة زي المقولة الشهيرة ناقصات عقل ودين هي لفظياً مقولة صحيحة بس مش مقصود بيها المعنى الحرفي وطبعا معروف ناقصات عقل عشان شهادة الرجل تعدل شهادة امرأتان وناقصات دين عشان فترة الحيض لا تصلي فيها معنى ده انه مش عيب في المرأة دي حاجة خلقية خلقها فيهم ربنا
عندنا بعض الرجال بيعتبر المرأة زي الجارية عنده لازم يؤمر وهي تنفذ ومش بيعترف بحقوقها عليه وبيشوف انه عادي هو ممكن يعمل أي حاجة ويغلط لكن هي لاء عشان هو الراجل لكن لو الراجل عقله كبير ويعامل زوجته على انها انسان وليها حقوق زي بالظبط كانت حاجات كتير ها تتغير ( خير متاع الدنيا الزوجة الصالحة )

برافو عليك يااحمد
موضوعك جميل ومفيد